PUNA

TË GJENDET NJË VEND PUNË

Hyrja në tregun e punës është e rregulluar ligjërisht dhe varet nga statusi i qëndrimit. Për të gjetur një punë, është i këshillueshëm një kombinim i metodave të ndryshme të kërkimit:

• të kërkohet në internet për shpallje vendesh pune;

• përdorimi i platformës qendrore

• të dërgohen kërkesa spontane në ndërmarrje;

• të merret kontakt me zyrat për ndërmjetësimin e vendeve të punës;

• të bisedohet me persona nga rrethi juaj;

• të bëhet një kërkesë në ofertat për vende pune në gazetë;

• njoftohuni tek qendra regjionale për ndërmjetësim pune (RAV).

Qendra për ndërmjetësim pune (Arbeitsvermittlungszentrum RAV) Schaffhausen:
Kompetencat e Qendrës rajonale për ndërmjetësim pune qëndrojnë falas në dispozicion për persona punëkërkues me vendbanim në kantonin e Schaffhausen-it.

SI TË APLIKOJ UNË NË ZVICËR?

Në Zvicër, në një aplikim bëjnë pjesë një biografi dhe një letër motivimi. Të rëndësishme për aplikimin janë edhe dëshmitë e punës dhe vërtetime pune, certifikata mbi formimin profesional si dhe diploma, të cilat i bashkëngjiten dosjes. Shpesh aplikimet duhet të paraqiten online.

Këshilla të vlefshme për përgatitjen e një dosjeje aplikimi ju merrni në internet.

Qendra e informacionit për profesionin (Berufsinformationszentrum BIZ) Schaffhausen - Këshillim karriere për të rritur:
Në këshillimin për karrierën ju sqaroni gjendjen tuaj fillestare dhe zhvilloni ide për synime të mundshme profesionale si dhe formimet profesionale ose të mëtejshme.

berufsberatung.ch:
Informacione të përgjithshme për vende mësimi, profesioni dhe punë, këshilla për kërkesat për vende pune etj. Dokumente të përkthyera në shumë gjuhë.

Shoqata pika e takimit e të papunëve Schaffhausen (Verein Erwerbslosentreffpunkt Schaffhausen VETS) – Dhoma e shkrimit:
Ndihmë në rast të përgatitjes së biografisë dhe të aplikimit.

arbeit.swiss:
Portali qendror për punëkërkues, punëdhënës dhe ndërmjetësues pune.

NJOHJA E DIPLOMAVE TË HUAJA

Diploma dhe formime profesionale të ndryshme mund të njihen në Zvicër. Në varësi të përfundimit [të shkollës] tëkualifikimit, drejtohuni në vendet e mëposhtme:

Sekretariati i shtetit për arsim, kërkime shkencore dhe novacion (Staatssekretariat für Bildung, Forschung und Innovation SBFI):
Koordinimi i njohjes së diplomave të huaja.

Konferenca zvicerane drejtorët kantonalë të edukimit – Diploma të huaja:
Njohja e profesionit në fushën e edukimit

Swissuniversities:
Informacione mbi kushtet e lejimit në universitetet zvicerane.

PAGA DHE KONTRIBUTET SOCIALE

Në Zvicër janë rrogat bruto relativisht të larta, kjo vlen edhe për kostot e jetesës. Nuk ka një rrogë minimale të vlefshme për të gjithë sektorët. Disa degë njohin megjithatë rroga minimale të marrëveshjes kolektive të punës. Nga paga hiqen kontributet e detyruara për sigurimin e pleqërisë dhe të pasjetuarve (AHV), sigurimin për invaliditet (IV), sigurimin për papunësi (ALV) dhe për sigurimin ndaj aksidenteve. Në kantonin e Schaffhausen-it paguajnë punëmarrës dhe punëdhënës, përveç kësaj, një kontribut në fondin social kantonal. Nga të ardhura vjetore prej rreth 20‘000 franga hiqen kontribute shtesë për përkujdesjen profesionale (të ashtuquajturën shtylla e 2-të) si një plotësim i AHV. Heqjet për sigurimet e detyrueshme sociale përbëjnë gjithsej rreth 15- 20% të të ardhurave.

Enti Federal për Sigurimet Sociale (Bundesamt für Sozialversicherungen BSV):
Kuotat e kontributeve.

HUMBJA E PUNËS

Kush banon në Zvicër dhe si punëmarrëse ose punëmarrës mbetet pa punë, ka të drejtë - në rast se kushtet e nevojshme paraprake janë të përmbushura - për pagesat e sigurimeve, të ashtuquajtur të holla ditore të papunësisë. Një lejë e vlefshme qëndrimi si dhe një punësim për të paktën 12 muaj gjatë dy viteve të fundit para njoftimit janë kushtet qendrore për transferimin e të holla ditore të papunësisë. Nëse ju, pas përfundimit të një marrëdhënieje pune, nuk gjeni menjëherë punë përsëri, ju duhet menjëherë, më së miri madje gjatë afatit të prishjes së kontratës, të njoftoheni pranë qendrës regjionale për ndërmjetësim pune (RAV). Atje ju merrni informacione në lidhje me hapat e tjerë, të cilat ju duhet të ndërmerrni.

Kantori i Schaffhausen-it – Zyra e Punës:
Këshillime në rast të papunësisë, ndërmjetësim vendesh pune, pikë kontakti për lejë pune për të huaj dhe të huaja, pyetje të tjera rreth temës së punës në Zvicër.

Qendra regjionale për ndërmjetësim pune (Regionales Arbeitsvermittlungszentrum RAV):
Qendra e shërbimit për punëkërkues dhe punëdhënës.

KUSHTET E PUNËS

Zvicra është e njohur për kushtet e saj të mira të punës. Sipas profesionit dhe degëve këto janë megjithatë të përcaktuara ndryshe. Informohuni me kohë mbi kushtet e vlefshme të punës. Në kontratën e punës përcaktohen lloji i punës që duhet të kryhet, kohët e punës, koha e provës, afati i prishjes së kontratës, pushimet, rroga, detyrimi i përgjegjësisë profesionale dhe arka e pensionit. Në degë të caktuara ekzistojnë marrëveshje kolektive pune (GAV) Një marrëveshje kolektive pune (GAV) është një marrëveshje me shkrim ndërmjet punëdhënësve të veçantë ose disa prej tyre ose lidhjeve të tyre profesionale dhe sindikatave. Ajo përmban dispozita mbi kushtet ndërmjet punëdhënësve dhe punëmarrësve si dhe dispozita, të cilat drejtohen në palët kontraktuese të "GVA"-së.

Sekretariati i shtetit për ekonominë (Staatssekretariat für Wirtschaft SECO):
Informacione përreth temës punë.

Sekretariati i Shtetit për Migrim (Staatsekretariat für Migration SEM):
Informacione për forca të huaja të punës lidhur me ushtrimin e një veprimtarie pune në Zvicër.

Kantori i Schaffhausen-it – Inspektorati i punës:
Inspektorati i punës është qendra e këshillimit, shërbimit, kompetencës dhe e zbatimit për sigurinë në punë dhe mbrojtjen e shëndetit në vendin e punës, si dhe për kohët e punës dhe të qetësisë.

MBROJTJA NGA PRISHJA E KONTRATËS SË PUNËS

Ligji mbron të punësuarit, në rast sëmundjeje, aksidenti, shtatzënie ose lehonie, nga prishja e kontratës. Një prishje kontrate gjatë kësaj hapësire kohore është si rregull e pavlefshme. Në rast të një prishje keqpërdoruese kontrate për arsye të tjera, i punësuari ose e punësuara nga ana tjetër nuk duhet të integrohet përsëri në ndërmarrje; mund të bëhet i vlefshëm vetëm një zhdëmtim para gjyqit.

Sekretariati i punës (Arbeitersekretariat) Schaffhausen:
Këshillim juridik, Këshillim fillestar falas

PUNË NË TË ZEZË

Edhe dikush, i cili paguhet për punë të herëpashershme në fushën e pastrimit, përkujdesjes së fëmijëve, punëve të shtëpisë dhe të kopshtit, vlen si me veprimtari pune. Ai ose ajo duhet të jenë në zotërim të një leje sipas së drejtës për të huajt dhe të jetë i regjistruar tek sigurimet sociale (ose të regjistrohet vetë), ndryshe bëhet fjalë për punë ilegale ose për punë të zezë. Personi, i cili punon në të zezë, nuk është i siguruar në rast të invaliditetit, aksidentit ose papunësisë. Pasojat mund të jenë dramatike. Qëndron pra në interesin e punëmarrësve të jenë të regjistruar.

Sekretariati i shtetit për ekonominë (Staatssekretariat für Wirtschaft SECO):
Informacione për temën puna në të zezë, dhënie ndihme për të dalë nga puna në të zezë, oferta kontakti.

Kantori i Schaffhausen-it – Puna në të zezë:
Informacione për punën në të zezë.

MOBILITETI SIGURIA SOCIALE